inVision U-да өтінім қабылдау 15 шілдеге дейін жалғасады

Маңызды жаңалық: inVision U-ға өтінім қабылдау мерзімі 15 шілдеге дейін ұзартылды

‍

inVision U бакалавриат бағдарламаларына өтінім қабылдау мерзімі ресми түрде 2026 жылғы 15 шілдеге дейін ұзартылды.

‍

Бұл шешім бірнеше себепке байланысты қабылданды және олардың әрқайсысы талапкерлерге тікелей қатысты. Егер сіз өтініміңізд тапсырған болсаңыз, басымдық сізде сақталады. Ал әлі тапсырмаған болсаңыз, енді құжаттарыңызды мұқият дайындап, өтінім беруге қосымша уақытыңыз бар.

‍

Неліктен қабылдау мерзімін ұзарттық?

‍

Өтінімдердің жоғары саны және талапкерлердің дайындығына құрмет

‍

Қабылдау науқаны барысында Қазақстанның түрлі өңірлерінен, сонымен қатар Қырғызстан, Өзбекстан, Тәжікістан, Ресей, Украина  және Германиядан көптеген өтінім келіп түсті. Көптеген мықты талапкерлер әлі ҰБТ (Қазақстан азаматтары) нәтижелерін күтуде немесе құжаттарын рәсімдеу процесін аяқтап жатыр.

‍

Өтінімін бұрын тапсырған талапкерлер үшін маңызды ақпарат

‍

Егер сіз өтініміңізді 30 мамырға дейін тапсырған болсаңыз, сіздің басымдығыңыз сақталады.

‍

Сіздің өтініміңіз қазірдің өзінде қаралып жатыр және қабылдау комиссиясы оны бірінші кезекте қарайды. Ерте тапсырылған өтінім сізге нақты артықшылық береді: өтінім неғұрлым ерте тапсырылса, комиссия оны соғұрлым мұқият қарай алады, сіз кері байланысты тезірек алып, барлық кезеңдерден жайлы қарқынмен өту мүмкіндігіңіз артады.

‍

Мерзімнің ұзартылуы барлық талапкерлердің мүмкіндігін теңестірмейді. Ол тек әлі үлгермегендерге мүмкіндік береді, бірақ бұрын өтінім тапсырғандардың артықшылығын жоймайды.

‍

Бұл ұзарту кімдер үшін ерекше маңызды?

‍

15 шілдеге дейінгі ұзарту ең алдымен бірнеше санаттағы талапкерлерге мүмкіндік береді.

‍

ҰБТ нәтижелерін күтіп жүрген талапкерлер үшін

‍

Өтінім беру үшін ҰБТ сертификатын күтудің қажеті жоқ. Оны 15 шілдеге дейін ұсынуға болады. Өтінімді қазір жіберіңіз: қосымша құжаттарды кейін тапсыра аласыз, ал өтінімнің өзі сізді қарау кезегіне тіркейді.

‍

Өңірлердегі талапкерлер үшін

‍

Шағын қалалар мен ауылдық жерлерде құжат жинау және рәсімдеу көбірек уақыт талап ететіні мәлім. Мерзімді ұзарту осы жағдайды ескереді.

‍

Әлі таңдау жасап жүрген талапкерлер үшін

‍

Егер сіз бірнеше университетті қарастырып жүрсеңіз және соңғы шешіміңізді әлі қабылдамаған болсаңыз, 15 шілде - соңғы мерзім.

Қосымша ұзартулар болмайды. Саналы таңдау жасауға уақыт бар, бірақ ол шектеулі.

‍

15 шілде — соңғы дедлайн

‍

Қабылдау мерзімі бұдан әрі ұзартылмайды.

‍

Соңғы күнді күтпеңіз. Алдын ала әрі мұқият дайындалып тапсырылған өтінім соңғы сағаттарда асығыс жіберілген өтінімнен әрдайым мықтырақ болады.

‍

Бакалавриат бағдарламаларына қойылатын талаптарды қарап шығу 

‍

Қазір өтініш беру: invisionu.education

‍

Сұрақтар бойынша:
‍

info@invisionu.education
‍

+7 771 070 73 70 (WhatsApp арқылы тек жазбаша өтініштер қабылданады.)

‍